​​​​​​​​​​​​​​​​​​​

​​​​​ಜ್ಞಾನದ ವ್ಯಾಪ್ತಿ (2016-2019)

ಕರ್ನಾಟಕ ಸರ್ಕಾರವು ಕರ್ನಾಟಕ ಜ್ಞಾನ ಆಯೋಗದ ರಚನೆಯ ಮರು​-ಅಧಿಸೂಚನೆಯನ್ನು ಹೊರಡಿಸಿದೆ:

GO No. ED 354 URC 2016 (Part-1) Dated 25/06/2019​

ಈ ಅಧಿಸೂಚನೆಯು ಉಲ್ಲೇಖದ ನಿಯಮಗಳು, ಸದಸ್ಯತ್ವ ಮತ್ತು ಆಯೋಗಕ್ಕೆ ಸಂಬಂಧಿಸಿದ ಇನ್ನಿತರ ಮಾಹಿತಿಗಳನ್ನು ಒದಗಿಸುತ್ತದೆ. ಆಯೋಗದ ಅಧಿಕಾರಾವಧಿಯು ಮೂರುವರ್ಷಗಳು ಆಗಿವೆ (2016-2019).

ಡಾ. ಕಸ್ತೂರಿರಂಗನ್‍ರವರು ಆಯೋಗದ ಅಧ್ಯಕ್ಷರಾಗಿ ಮುಂದುವರೆದಿದ್ದಾರೆ. ಪ್ರಸ್ತುತ ಆಯೋಗವು 36 ಸದಸ್ಯರನ್ನು ಒಳಗೊಂಡಿದೆ.

ಸಾಂಸ್ಥಿಕ ರಚನೆ, ನೀತಿ ನಾವಿನ್ಯತೆ ಮತ್ತು ಶಿಕ್ಷಣ, ಆರೋಗ್ಯ, ವಿಜ್ಞಾನ ಮತ್ತು ತಂತ್ರಜ್ಞಾನ, ಉದ್ಯಮ, ವಾಣಿಜ್ಯೋದ್ಯಮ, ಸಂಶೋಧನೆ ಮತ್ತು ನಾವೀನ್ಯತೆ, ಸಾಂಪ್ರದಾಯಿಕ ಜ್ಞಾನ, ಕೃಷಿ, ಇ-ಆಡಳಿತ, ಗ್ರಾಮೀಣಾಭಿವೃದ್ಧಿ ಇತ್ಯಾದಿ ಹಾಗೂ ಇತರ ಸಂಬಂಧಿತ ವಲಯಗಳೆಡೆ ತನ್ನ ಗಮನವನ್ನು ಕೇಂದ್ರೀಕರಿಸಿದೆ.

ಈ ಕೆಳಗಿನವುಗಳು ಆಯೋಗದ ಉಲ್ಲೇಖದ ನಿಯಮಗಳಾಗಿವೆ:

1. ​ಸಾಂಸ್ಥಿಕ ರಚನೆ, ನೀತಿ ನಾವಿನ್ಯತೆ ಮತ್ತು ಶಿಕ್ಷಣ, ಆರೋಗ್ಯ, ವಿಜ್ಞಾನ ಮತ್ತು ತಂತ್ರಜ್ಞಾನ, ಉದ್ಯಮ, ವಾಣಿಜ್ಯೋದ್ಯಮ, ಸಂಶೋಧನೆ ಮತ್ತು ನಾವೀನ್ಯತೆ, ಸಾಂಪ್ರದಾಯಿಕ ಜ್ಞಾನ, ಕೃಷಿ, ಇ-ಆಡಳಿತ, ಗ್ರಾಮೀಣಾಭಿವೃದ್ಧಿ ಇತ್ಯಾದಿ ಹಾಗೂ ಇತರೆ ಕರ್ನಾಟಕ ಸಂಬಂಧಿತ ವಲಯಗಳೆಡೆಗೆ ಗಮನೀಕರಿಸುವುದು.
   
2. 21ನೇ ಶತಮಾನದ ಜ್ಞಾನಸವಾಲುಗಳನ್ನು ಪೂರೈಸಲು ಮತ್ತು ಜ್ಞಾನ ಕ್ಷೇತ್ರಗಳಲ್ಲಿ ಕರ್ನಾಟಕದ ಸ್ಪರ್ಧಾತ್ಮಕ ಅನುಕೂಲತೆಯನ್ನು ಹೆಚ್ಚಿಸಲು ಶೈಕ್ಷಣಿಕ ವ್ಯವಸ್ಥೆಯ ಉತ್ಕೃಷ್ಟತೆಯನ್ನು ನಿರ್ಮಿಸುವುದು.
   
3. ಕರ್ನಾಟಕದ ಎಲ್ಲಾ ಔಪಚಾರಿಕ ಮತ್ತು ಅನೌಪಚಾರಿಕ ಶೈಕ್ಷಣಿಕ, ವೈಜ್ಞಾನಿಕ ಮತ್ತು ಜ್ಞಾನ ಸಂಸ್ಥೆಗಳಲ್ಲಿ ಜ್ಞಾನದ ಸೃಷ್ಟಿಗೆ ಉತ್ತೇಜನ ನೀಡುವುದು.
   
4. ಕರ್ನಾಟಕದ ಶೈಕ್ಷಣಿಕ ಮತ್ತು ಜ್ಞಾನಸಂಸ್ಥೆಗಳ ನಾಯಕತ್ವ ಮತ್ತು ನಿರ್ವಹಣೆ ಸುಧಾರಿಸುವುದು.
   
5. ಕೃಷಿ, ಗ್ರಾಮೀಣಾಭಿವೃದ್ಧಿ, ಆರೋಗ್ಯ, ಉದ್ಯಮ ಮತ್ತು ಇತರ ಕ್ಷೇತ್ರಗಳಲ್ಲಿ ಜ್ಞಾನದ ಅನ್ವಯಿಕಗಳನ್ನು ಉತ್ತೇಜಿಸುವುದು.
   
6. ನಾಗರಿಕರಿಗೆ ಸರ್ಕಾರದ ಸೇವೆಗಳನ್ನು ಪರಿಣಾಮಕಾರಿಯಾಗಿ ಪೂರೈಕೆ ಮಾಡುವಲ್ಲಿ ಮತ್ತು ಸಾರ್ವಜನಿಕರು ಈ ನಿಟ್ಟಿನಲ್ಲಿ ಪ್ರಯೋಜನವನ್ನು ಪಡೆಯಲು ಜ್ಞಾನದ ವ್ಯಾಪಕ ಹಂಚಿಕೆಯನ್ನು ಉತ್ತೇಜಿಸಲು ಜ್ಞಾನದ ಸಾಮರ್ಥ್ಯ ಗಳನ್ನು ವರ್ಧಿಸುವುದು.
   
7. ಜ್ಞಾನಾಧಾರಿತ ಸಂರಕ್ಷಣೆ, ಹೊಸ ಪರಿಕಲ್ಪನೆಗಳು, ಸೃಷ್ಟಿ, ಅನ್ವಯಿಕಗಳು, ಪ್ರಸರಣ ಮತ್ತು ಸೇವೆಗಳನ್ನೊಳಗೊಂಡ ಉದ್ದೇಶಗಳನ್ನು ಪೂರೈಸಲು ಅಂತರ-ಕ್ಷೇತ್ರದ ಸಂವಹನೆ ಮತ್ತು ಪರಸ್ಪರ ಸಂಪರ್ಕ ಪ್ರೋತ್ಸಾಹಿಸುವುದು.
   
8. ಶಿಕ್ಷಣ ವ್ಯವಸ್ಥೆಯನ್ನು ಬಲಪಡಿಸುವ ಸಲುವಾಗಿ ಸೂಕ್ತವಾದ ಸಾಂಸ್ಥಿಕ ಚೌಕಟ್ಟನ್ನು ಅಭಿವೃದ್ಧಿಪಡಿಸಿ, ದೇಶೀಯ ಸಂಶೋಧನೆ ಮತ್ತು ನಾವೀನ್ಯತೆಯನ್ನು ಉತ್ತೇಜಿಸುವುದು ಮತ್ತು ವಿವಿಧ ಕ್ಷೇತ್ರಗಳಲ್ಲಿ ಜ್ಞಾನದ ಅನ್ವಯಿಕಗಳನ್ನು ಸುಗಮಗೊಳಿಸುವುದು.
   
9. ಆಡಳಿತವನ್ನು ವರ್ಧಿಸಲು, ಸಂಪರ್ಕವನ್ನು ಸುಧಾರಿಸಲು ಮತ್ತು ಡಿಜಿಟಲ್ ವಿಭಜನೆಯನ್ನು ಕಡಿಮೆ ಮಾಡಲು ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನವನ್ನು ಭದ್ರಪಡಿಸುವುದು.
   
10. ಜಾಗತಿಕ ಮಟ್ಟದಲ್ಲಿ ಜ್ಞಾನ ವ್ಯವಸ್ಥೆಗಳ ನಡುವಿನ ವಿನಿಮಯ ಮತ್ತು ಪರಸ್ವರ ಸಂವಹನ ಪ್ರಕ್ರಿಯೆಗಳನ್ನು ಹೆಚ್ಚಿಸಲು ಕಾರ್ಯವಿಧಾನಗಳನ್ನು ರೂಪಿಸುವುದು.   
    
11. ಸಮಯಾನುಸಾರ ಪರೀಕ್ಷಿತಗೊಂಡ ಪರಿಕಲ್ಪನೆಗಳು ಮತ್ತು ಜ್ಞಾನದ ಉತ್ತಮ ಬಳಕೆಗಳನ್ನು ಕಾಯ್ದಿರಿಸಿಕೊಳ್ಳಲು ಕರ್ನಾಟಕದ ಸ್ಥಳೀಯ ಮತ್ತು ಪರಂಪರಾಗತ ಜ್ಞಾನವನ್ನು ಸಂರಕ್ಷಿಸುವುದು.
    

​