ಕರ್ನಾಟಕ ಕುರಿ ಮತ್ತು ಉಣ್ಣೆ ಅಭಿವೃದ್ಧಿ ನಿಗಮ ನಿಯಮಿತ

​​​​​ಬಳ್ಳಾರಿ ತಳಿ

​

• ಇದು ಒಂದು ದ್ವಿ ಉಪಯೋಗಿ ತಳಿ (ಮಾಂಸ ಮತ್ತು ಉಣ್ಣೆ) ಇವು ಬಳ್ಳಾರಿ, ದಾವಣಗೆರೆ, ಚಿತ್ರದುರ್ಗ ಜಿಲ್ಲೆ ಮತ್ತು, ತುಮಕೂರು ಜಿಲ್ಲೆಯ ಕೆಲವು ಭಾಗಗಳಲ್ಲಿ ಹೆಚ್ಚಾಗಿ ಕಂಡು ಬರುತ್ತವೆ.
• ಈ ತಳಿಯು ಡೆಕ್ಕನಿ ತಳಿಯನ್ನು ಹೋಲುತ್ತದೆ.  ಕುರಿಗಳು ಹೆಚ್ಚಾಗಿ ಕಪ್ಪು ಬಣ್ಣದ್ದಾಗಿರುತ್ತದೆ.  ಮುಖ ಮತ್ತು ದೇಹ ಕಪ್ಪು ಬಣ್ಣದಿಂದ ಕೂಡಿದ್ದು, ಕಾಲುಗಳು ಉದ್ದವಾಗಿ ಎತ್ತರವಾಗಿರುತ್ತವೆ.  ಕಿವಿ ಉದ್ದವಾಗಿ ಜೋತು ಬಿದ್ದಿದ್ದು, ಕಣ್ಣು ಗುಡ್ಡೆ ಉಬ್ಬಿಕೊಂಡು ಮುಂದಕ್ಕೆ ಬಾಚಿಕೊಂಡಿರುತ್ತದೆ. 
• ಟಗರಿಗೆ ಸಣ್ಣದಾದ ಕೊಂಬಿರಬಹುದು ಅಥವಾ ಇಲ್ಲದೇ ಇರಬಹುದು.  ಕುತ್ತಿಗೆ ಸಣ್ಣದಾಗಿದ್ದು, ದೇಹವು ಉದ್ದವಾಗಿರುತ್ತದೆ ಮತ್ತು ಬಾಲ ಗಿಡ್ಡವಾಗಿರುತ್ತದೆ.
• ಈ ಕುರಿಗಳು ತುಂಗಭದ್ರ ನದಿಯ ದಕ್ಷಿಣ ಭಾಗದ ಪ್ರದೇಶಕ್ಕೆ ಸೀಮಿತವಾಗಿರುತ್ತದೆ.
• ವಯಸ್ಕ ಟಗರುಗಳು 35 ಕಿ.ಗ್ರಾಂ ಮತ್ತು ಹೆಣ್ಣು ಕುರಿ 28 ಕಿ.ಗ್ರಾಂ ತೂಗುತ್ತದೆ.  ಕುರಿಗಳು ಸಾಮಾನ್ಯವಾಗಿ ವರ್ಷಕ್ಕೆ 600-700 ಗ್ರಾಂ ಉಣ್ಣೆ ಉತ್ಪಾದಿಸುತ್ತದೆ.​